Þetta Blog.central.is er alltaf í einhverju fokki hjá mér svo nú er ég farin að blogga á

www.bowwow.bloggar.is  

Jebb!  Þökk sé viðbjóðs veðrinu sem er búið að vera undanfarið er ég nú orðin veik!!!

Eftir síðustu færslu byrjaði ég að reyna að vinna. Rúmum klukkutíma seinna áttaði ég mig á að ég var búin að stara á sama fylgiskjalið í 30 mín. án þess að hafa hugmynd um hvað ég ætti að gera og kallaði á endanum í bossinn. Sökum furðulegs litarhafts og einfaldleika umrædds fylgiskjals áleit bossinn að ég væri betur sett heima.
Ég sem hélt í gær og morgun að mér væri að batna þar sem ég var hætt að hósta, hnerra og snýta mér í tíma og ótíma.

Matti í bænum í kvöld á herrakvöldi Fjölnis svo ég hugsa að ég setjist upp á ma og pa fram á morgundag.

Later

Kíkti í siðmenninguna í gær.  Ætlaði að kaupa sokkabuxur á Helgu Sonju en útsölurnar eru ekki enn búnar og ekki enn hægt að fá nýjar vörur.  Fór því heim án sokkabuxna en með slatta af öðru drasli sem ég ætlaði ekki að kaupa.

Fór til Elínar að sjá litla prinsinn og hann er ótrúlega flottur.  Ekki svona ljótt og krumpað ungabarn. Fáránlega rólegur líka og mikið vakandi.  Ég man varla eftir dætrum mínum vakandi fyrsta mánuðinn.

Heimsótti svo www.allyrosa.blogspot.com .  Þar voru allir sprækir og tekið var vel á móti sveitamanninum með indverskum kjúklingarétti.  Enda fáum við ekkert nema svið og hrútspunga í sveitinni svo hvert tækifæri er notað til að kynna okkur fyrir menningunni.  Takk fyrir mig.

Annars stóð ég mig ágætlega í gær.  1/2 líter kók og ekkert nammi.
Blakæfingin á nýju blakskónum var góð.  Er ekki frá því að ég hoppi mun hærra núna!!

að ég gæti allt eins búið á f*****g norðurlandinu eins og hér þessa dagana. Þurftum að moka okkur inn um daginn í fyrsta skipti síðan við fluttum suður.  Áttum náttla ekki skóflu eins og góðum sunnlendingi sæmir og þurftum að fá hana lánaða hjá nágrannanum (sem er semsagt ekki góður sunnlendingur þá).  Það sér ekki í veginn fyrir skafrenningi þegar ég keyri í vinnuna. Ég sit við tölvuna og síg jafn oft upp í nefið og ég ýti á Enter (vendihnapp á íslensku ala Þórir).

Djöfull hljómar þetta kunnuglega!!!!!!!!!!!

Og af nammiátakinu þá fóru í gær 6 lúkur af smarties en ekkert kók!!!!!  Staukurinn er búinn að vera á eldhúsbekknum í mánuði en ég gafst upp fyrir honum í gær  Ég hef svo mikinn sjálfsaga að það er leitun að öðru eins!!!!!!!!!

http://www.visir.is/article/20070117/FRETTIR01/70117005

Þegar víkingasveitin var kölluð á Ólafsfjörð í gamla daga þá var allavega byssa á staðnum og fiskabúrið var skotið í tætlur!!!!!!

Í gær drakk ég 1 kók í gleri punktur!!!!!

Stefnan í dag er að reyna að bæta mér það EKKI upp!

Ég er ekki búin að borða neitt nammi í dag og ekki búin að drekka kók.  Það eru Celebrations molar inni á kaffistofu og ég iða í skinninu. Djöfull langar mig í!!!!

Ég er komin í átak. Átak í Kristínarlandi felst í því að ég borða það sem ég vil, fer í ræktina, reyni að drekka meira vatn og minnka við mig sælgæti og gos.

Í gær drakk ég...
1x 1/2 líter kók
1x litla kók
1x Magic

Í gær borðaði ég af nammi....
4x celebrations mola
3x bombur
1x Holly súkkulaði
6x skúkkulaðibitasmákökur

Niðurstaða: 
Mikið rúm fyrir úrbætur

Þeir sem fluttu slasaða leikmannsgreiið á spítalann voru ekki beint nærgætnustu menn í heimi.

"Er þetta nokkuð mál?  Ertu ekki bara handleggsbrotinn?" sagði annar þeirra!

Hvað vita sjúkraflutningamenn um sögu þess slasaða þegar þeir mæta á staðinn???? Ekki neitt!  Og því sjálfsagt ráðlagðara að þeigja bara og sinna sínu starfi.
Sjúklingurinn hefði getað verið nýbúinn að lenda í miklu áfalli eða einhverjar aðrar aðstæður gætu verið sem valda því að eitt lítið handarbrot getur verið mikið fyrir einum en lítið fyrir öðrum.  Þessi umræddi sjúklingur var t.d. búinn að vera í meðferð á Reykjalundi í 5 vikur af 6 áætluðum, væntanlega ekki af ástæðulausu og því ekki bara handleggsbrotin.

Kurteysi drengir og stúlkur, kurteysi!!!!

Var að stemma af viðskiptareikning hjá viðskiptavini okkar við Húsasmiðjuna.
Skakkaði rúmum 60.000 kalli á stöðunni í bókhaldinu hjá okkur og svo stöðunni hjá Húsasmiðjunni.  Við nánari skoðun var skýringin bakfærður afsláttur upp á ca. 64.000 kall.  Viðskiptavini okkar hafði semsagt orðið það á að greiða greiðsluseðil 25. í stað 20. mánaðarins og við það bakfærðist allur afsláttur tímabilsins, sama hvort um var að ræða tilboðsvöru, sölumannsafslátt eða umsaminn viðskiptamannaafslátt.
Þegar ég hringdi í bókhaldið hjá Húsasmiðjunni voru svörin að þetta væru reglurnar hjá þeim. Ef þú borgar eftir eindaga þá fellur allur afsláttur niður sama hvers eðlis hann er.

Í framhaldinu hringdi ég í BYKO til að skoða hvernig þetta væri hjá þeim. 
Hjá BYKO fellur greiðsluafsláttur niður 10. en umsaminn viðskiptamannaafsláttur fellur ekki niður fyrr en um mánaðarmótin (eindagi reikninga er 20. eins og hjá Húsasmiðjunni), sölumannsafsláttur eða tilboðsafsláttur fellur aldrei niður.  Ef þú borgar eftir gjalddaga reiknar BYKO vexti og innheimtukostnað líkt og Húsasmiðjan.

Með öðrum orðum........

Verslið við BYKO ekki Húsasmiðjuna!!!!!!

Það hefur verið mikið í umræðunni að það sé ekki rétt að H.Í. og SÁÁ séu rekin (að einhverju leiti) fyrir hagnað af rekstri spilakassa. Ég veit ekki en einhvernvegin finnst mér betra að H.Í. og SÁÁ taki þessa peninga af spilafíklunum en gæjarnir (eða gellurnar) sem reka Betson. Þá eru fíklarnir líka að borga sína egin meðferð - SNILLD Svo hefur einnig gleymst í umræðunni að íþróttahreyfingin, ungmennafélagshreyfingin og öryrkjabandalagið eru rekin fyrir peninga sem koma úr fjárhættuspilum því ekki veit ég hvað Lotto, 1X2 og Lengjan eru annað en fjárhættuspil. Hugsa reyndar að líkurnar í spilakassa séu örugglega hærri en í Lotto. Og fyrst ég er komin á þessa breut þá er ég ansi hrædd um að stór hluti íslenska hagkerfisins sé byggður á fjárhættuspilum því hvað eru hlutabréfaviðskipti annað en fjárhættuspil???? Einhvernveginn held ég líka að ef spilakassar eru teknir úr umferð þá haldi fíklarnir áfram að finna sér leið til að gambla. Mig minnir nú t.d. að alkarnir á Óló hafi nú bara bruggað þar sem lítill aðgangur var að ríkinu. Það sem hverfur hinsvegar með spilakössunum eru 50 og 100 kallarnir sem Jón og Gunna, já og Matti skella annarslagið í kassana þegar þau fara út í sjoppu og styrkja um leið gott málefni. Áfram með spilakassana!!!!!!

Aldrei hef ég á mínum fótbolta ferli lent í því að það hafi þurft að flytja leikmann í liðinu mínu burt í sjúkrabíl.

Það gerðist hinsvegar í dag þegar ein í liðinu kubbaði í sundur á sér úlnliðinn þegar hún var að fórna sér í boltann.  Svo heppilega vildi þó til að við vorum að spila á móti blakliði landspítalans þannig um leið og hún lá voru 4 hjúkkur mættar til að stumra yfir henni.  Kanski eins gott því við hefðum örugglega asnast til að ætla sjálfar með hana á spítalann en þetta var víst ástand fyrir fagmenn. Hjúkkurnar kölluðu á sjúkrabíl.

Annars gekk ágætlega á mótinu.  Okkur tókst að ná 3ja sæti þrátt fyrir að hafa misst tvo leikmenn (þá slösuðu og fylgdarmann í sjúkrabílinn) og þ.a.l. þurft að fá lánsmann úr hópi áhorfenda til að ná í lið.

Segiði svo að blak sé aumingjaíþrótt!!!!

Á fimmtudagskvöldið vorum við Matti að baða stelpurnar.  Ég klára Unni og Matti klárar að þvo Helgu á meðan.  Ég klæði Helgu svo í náttfötin og man eftit því að hafa velt því fyrir mér hvort Matti hafi ekkert þurrkað henni  um árið en það væri svosem í lagi þar sem ég ætlaði að flétta hana og bara betra að hafa hárið blautt. 
Svo byrja ég að greiða henni og finns hárið nú í meira lagi skríti.  "Matti!!!! Hvað settiru í hárið á Helgu?". "Æi!  Úr hvíta brúsanum eins og þú sagðir!!!!". Og allt í lagi með það nema....að það eru 2 hvítir brúsar á baðinu. Í öðrum er hársápa en í hinum (sem var klárlega brúsinn sem Matti notaði) er baðolía!!!!!!!

Hárið á Helgu Sonju er í dag afskaplega glansandi!!!!

Já!  Nú reynir á mann!

Ég er að fara að keppa á HK móti í blaki fyrripartinn á laugardaginn.  Bruna svo beint heim í kalkúnaveislu móðurfjölskyldunnar.  Best að hita upp í Party og co. í kvöld svo þetta tap mitt á gamlársnótt verði ekki að vana!

Stjörnufræði:
Nálægasta stjörnuþokan við okkar er Andrómeda, Merkúr er sú pláneta sem er næst Sólu og Plútó fjærst, þ.e. í Patrý og co. því það var gefið út fyrir hina áhrifamiklu ákvörðun að "plúta" Plútó niður. 

Efnafræði:
N stendur fyrir Nítur í lotukerfinu, Na fyrir natrín, H fyrir vetni og Hg fyrir kvikasilfur.

Saga:
Morðið á Frans Ferdinand Ríkiserfingja Austurríkis 28.júní árið 1914 var upphafði að fyrri heimstyrjöldinni. Hitler fæddist 20.04.1889. Seinni heimstyrjöldin hófst með innrás Þjóðverja inn í Pólland í september árið 1939.

Bókmenntir.....PASS!!!!!

Teikning, leikur og bannorð krefjast engra æfinga af minni hálfu og Vörumerki eru óæfanleg!!!!

Já!  Kæru ættingjar.......Passið ykkur!!!!!!!!!!

* Virðing skiptir þig máli
* Taugaveiklun í byrjun ársins
* Hvatvísi áberandi í fari þínu
* Eirðarleysi einkennir þig

Hugsjónir þínar stafa frá sér svo skærri birtu árið 2007 að þú blindast stundum af endurkasti hennar og sérð þá ekki hinn augljósa sannleika.

Þú tekur hinsvegar málstað þeirra sem minna mega sín árið framundan, elskar börn þín innilega og berð umhyggju fyrir fjölskyldu þinni en engu að síður áttu það til að gleyma þér og málstað þínum í leitinni að fyrirmyndarástandinu.

Virðing skiptir þig mjög miklu máli. Þú verslar í öllum réttu búðunum, lest réttu bækurnar og leitast við að tilheyra réttu félögunum.

Taugaveiklun angrar þig í byrjun árs og þú leggur þig fram við að taka ekki á þig skyldur sem þú ræður ekki við. Ef mislyndi einkennir líðan þína í janúar og febrúar þá verður það án efa að ístöðuleysi og ástandi kann að fara úr böndunum. Hugaðu vel að þessu.

Dómgreind þín er reyndar mjög góð árið 2007. Þér finnst eflaust oftar en ekki að þú vitir strax hvað skuli gera þegar þú stendur frammi fyrir því að taka ákvarðanir. Það er eins og þér líði best þegar þú bregst við af hvatvísi, hvort heldur þegar þú kaupir þér bíl, ferð í ferðalag eða heimsækir vin.

Öll breytilegu merkin búa yfir þeirri hæfni að mynda sambönd árið 2007. Í öll samskipti sín leggur bogmaðurinn þá gleði og þann eldmóð sem Júpíter gefur honum. Krafturinn og kröfulaust trygglyndi þitt gerir þig að góðum vini og þú ert vinur svo að segja allra sem þú þekkir.
Ástarsambönd þín eru hinsvegar mun flóknari því þú ert glaðvær og sönn/sannur en líka hugsjónamanneskja og eirðarlaus. Að elska þig er stundum æsandi og oft sárt en ávallt ögrandi.

Samvera skipar stóran sess hjá þér fyrri hluta ársins en þú birtist einlæg/ur, heiðarleg/ur, hreinskilin/n og oft á tíðum ónærgætin/n.

Áhersla lögð á betrumbætur
- Sýndu meiri skilning í ástarsambandi
- Vertu alltaf heiðarleg(ur)
- Hættu að tala í kringum hlutina
- Aðgát skal höfð í nærveru sálar

Jahérna hér!!!!!!!

Eruði ekki að grínast með þessa frétt????????

http://www.visir.is/article/20070110/FRETTIR01/70110006

Aðrar fréttir sem ættu að komast á visir.is!!!!

Örn Arnarson blotnaði þegar hann stakk sér til sunds í 50 m flugsundi á Evrópumeistarmótinu í 25 metra laug þann 10. des. síðastliðinn.  Aðspurður segist Örn vera orðinn nokuð vanur því að blotna svona en það sé þó alltaf óþægilegt að vera kominn með rúsínuputta eftir langar æfingar.  Því sé þó ekki að skipta eftir 50 metra sund og því lítið mál að vökna að eins.

Skoðanakönnun í Eþíópíu leiddi í ljós að það sem fólk telur vera mikilvægast í umhverfi sínu er aðgengi að vatni.  Athygli vakti að hirðingjaflokkar sögðust tilbúnir til að festa búsetu sína ef aðgengi að vatni væri tryggt.

Ég gæti haldið áfram í allan dag!!!!